Inawagan ni sigud a Presidential spokesman Attorney Harry Roque a politically motivated ti inisyatiba ti Department of Justice (DOJ) a kanselaren ti pasaporte na.
Impaganetget ni Roque a paset ti tarigagay ti Marcos administration ti panggep a panagkanselar ti pasaporte na nu kasta ket mapatalna isunan kas bokal kritiko ti administrasyon ken kaalyado dagiti Duterte.
Kinunan pay a premature pay a pagsaritaan ti kanselasyon ti pasaporte na gapo iti impila na a motion for reconsideration idi napalabas a lawas a kumidkiddaw iti DOJ nga ibasura ti kaso nan.
Imbatad na nga awan pay nga uray maysa nga ebidensiya a naipresentar a mangpaneknek a nakaaramid isuna ti panagorganisar, panangipaay ti suporta pinansyal wenno panangibilin ti sabali a tao nga agaramid ti human trafficking, kasta met nga awan ti nagtestigo a nakaaramid isuna ti trafficking ken saan pay isuna a nadakamat kadagiti affidavits dagiti biktima.
Iraman na met kunana ti baro a political harassment kas ebidensiya ti aplikasyon na para ti asylum sadiay The Netherlands.
Addaan ni Roque ti standing arrest warrant kasaruno a kasoan ti state prosecutors karaman dagiti nasurok 40 a dadduma pay iti qualified human trafficking ken multiple counts ti human trafficking a nagtaud ti pannakainaig na iti ilegal a Philippine Offshore Gaming Operator (POGO) sadiay Porac, Pampanga.
