LA UNION – Sumangsango ni sigud a presidential spokesperson Atty. Harry Roque ti disbarment case idiay Korte Suprema.
Iti kaso ket indatag ni sigud a cabinet secretary Atty. Melvin Matibag.
Ngem saan metten a nangipaay ti detalye ni Matibag seknan iti kaso, malaksid nga imbaga na a dagiti isyu a nadakamat kontra kenni Roque ket pakaibilangan dagiti im-post na iti social media, kabilang ti “polvoron” deepfake video a pakairam-ramanan ti maipagarop a karup-rupa ni Presidente Ferdinand Marcos, Jr.
Immunan a nagballaag dagiti eksperto seknan iti panagadu ti deepfakes kalpasan a nairwar ti peke a video ni Marcos Jr.
Idi bulan ti Hulyo, imbaga dagiti opisyal a “deepfake” wenno digitally manipulated iti video a mangipak-pakita nga agus-usar ti droga.
Kinuna da a paset daytoy ti destabilization plot kontra iti gobyerno.
Pinaglibakan ni Matibag a ti disbarment case ket paset ti maipagarop a harassment efforts kontra kenni Roque, a mangbat-batikos kenni President Ferdinand Marcos Jr. ken sumangsango iti contempt charges manipud House of Representatives.
Kinuna ni Matibag a mabalin a mangiruar iti Korte Suprema ti jurisprudence nu kasatnu nga agtignay dagiti abogado nangruna iti social media.
Makunkuna nga awan pay ti partikular a kaso a nadesisyunan ti pagukuman nga adda pakainaiganna iti panagusar ti deepfake video kontra iti maysa a nakatugaw a president ti pagilian.
