BR LA UNION – Nangipeksa manen ti suporta iti gobyerno ti Australia iti Pilipinas babaen iti panangipaay ti kanayunan nga arwaten iti liderato ti Philippine Coast Guard.
Nagkari ti Australia a mangipaay ti P110-M a balor ti drones ken dadduma pay a teknolohiya.
Inaramid ni Australian Ambassador to the Philippines Hae Kyong Yu ti kumpirmasyon iti maysa a forum kas paset ti obserbasyon iti panangabak ti Pilipinas iti 2016 arbitral award kontra China.
Immuna a nagdonar ti Australian government idi napan a tawen ti Very High Frequency (VHF) Base radios iti PCG.
Ranta ti nasao a donasyon tapno mapapigsa iti operasyon idiay probinsiya ti Palawan.
