BR LA UNION – Siniguro ti agdama a sekretaryo ti Department of Interior and Local Government (DILG) a ni Secretary Juanito ‘Jonvic’ Remulla nga awan ti dackel nga agbaliw iti serbisyo nga ipapaay ti Philippine National Police.
Kinuna na a makasiguro ti publiko nga agtultuloy latta dagiti programa ti Philippine National Police kadagiti responsibilidad ken trabaho a mantiniren iti kinaurnos, kinatalged ken kinakapya ditoy pagilian.
Daytoy ket kasaruno ti pannaka-ikkat iti pwesto ni sigud a Philippine National Police Chief Police General Nicolas Torre III a naiyanunsyo idi kalman.
Impaganetget ni Secretary Remulla, nupay nagsukat iti liderato, namnamaen nga itultuloy ni Philippine National Police Officer-in-charge Police Lieutenant General Jose Melencio Nartatez Jr. dagiti programa a rinugyan ti sinukatanna.
Iti panangiyuswat ti unified 9-1-1 Hotline ti gobyerno, 5-minute rule response ti pulisya ken dadduma pay a programa ket maitultuloy.
Pinaglibakan ni Remulla nga adda ammo na iti pannaka-ikkat ni General Torre iti puwesto.
Inlawlawag ti sekretaryo a saan na a dirtektiba ti naipaulog, ngem ketdi ‘prerogrative’ ni President President Ferdinand ‘Bongbong’ Marcos Jr.
Uray ti pudno a rason iti pannaka-ikkat ti opisyal ket pinagkedkedanna nga ibinglay ken intalek na iti Presidente.
Nupay naikkat iti puwesto ni Torre, naminsan pay nga inlawlawag ni Secretary Remulla, a saan a gapu nga adda nalabsing ni Philippine National Police Chief Police General Nicolas Torre III.
Innayon na pay nga adda napasamak a panagsasarita iti baetan da kadwa da ti Presidente.
