Pinaglibakan ti Korte Suprema dagiti maibagbaga nga bilin ti Office of the Court Administrator (OCA) kadagiti hues ken empleado ti korte a maipasidong ti drug testing.
Segun kenni SC spokesperson lawyer Camille Ting a ti tinawen a physical examination ket saan a kasapulan ti mandatory drug test, maisupadi kadagiti ibagbaga dagiti report nga agsirsirkulo ita ti social media.
Innayon pay ni Atty. Ting a ti sidong ti Judiciary Health Plan ken kontrata da iti health service provider ket maaramid ti random drug tests, ngem saan pay met a naipatungpal daytoy.
Iti maysa a statement na ti social media, inlawlawag ni Atty. Ting a ti Office of the Court Administrator Circular 246-2024 ket pakairamanan ti amin a hurado ken court personnel dagiti first ken second level courts a maipasidong kadagiti pisikial nga eksaminasyon.
Dagiti first level courts ket dagiti metropolitan, municipal, ken municipal circuit courts bayat a dagiti second level courts ket dagiti regional trial courts.
