BR LA UNION – Kinumpirma ti Department of Agriculture (DA) nga adda mailaklako a bagas nga adda bukbok na iti maysa nga stall ti ‘Rice-for-All’ program idiay Quezon City.
Impaganetget ni Agriculture Secretary Francsico Tiu Laurel Jr., a ti nasao a bagas ket saan a naggapo iti National Food Authority (NFA).
Gaputi dayta, paimbestigaran ti sekretaryo ti nasao nga insidente.
Inawagan ni Laurel a maysa nga ‘isolated case’ ti nasao nga insidente ken maibasar iti nakalap na nga impormasyon, bassit laeng iti nakita a bukbok iti bagas idi lukatanda ti maysa a sako.
Nupay kasta kunana, agserbi daytoy a leksiyon para iti Food Terminal Incorporated (FTI) ken iti mismo nga ahensya tapno maisayangkat ti nainget a panangamiris iti quality control kadagiti bagas sakbay nga iruar ken ilako iti publiko.
Siniguro ni Laurel, a personal nga idaulwan na iti imbestigasyon tapno masiguro nu naggapwan ti bagas ken maisardeng ti pannakailako daytoy iti publiko.
Iti agdama, namnamaen nga iti sumaruno a lawas ket magatangen ti NFA rice iti publiko partikular kadagiti Kadiwa stalls para iti agtultuloy a ‘Rice-for-all’ program ti ahensya.
