BR LA UNION – Pimmigsa ti bagyo Basyang ket maysa itan a Tropical Storm.
Iti 11:00 PM Tropical Cyclone Bulletin Nr. 5, naudi a nasaripatpatan ti sentro ti bagyo iti kaadayu a 560 kilometro daya ti Hinatuan, Surigao del Sur.
Kabuyog na ti kapigsa ti angin nga 65 kilometro kada oras ken kapegges a dumanon iti 80 kilometro kada oras.
Agturturong iti palaud a direksiyon iti kapartak a 15 kilometro kada oras.
Naipangato ti Tropical Cyclone Wind Signal #2 idiay Surigao del Sur.
Nakabayog met ti Signal #1 idiay:
Visayas:
- Central and southern portions ti Eastern Samar (Guiuan, Salcedo, Mercedes, Giporlos, Balangiga, Lawaan, Quinapondan, General Macarthur, Hernani, Llorente, Maydolong, Balangkayan, City of Borongan, San Julian, Sulat, Taft)
- Southern portion ti Samar (Marabut, Basey, Santa Rita, Villareal, Pinabacdao, Calbiga, Hinabangan, San Sebastian, Talalora, Daram, Zumarraga)
- Biliran
- Leyte
- Southern Leyte
- Bohol
- Cebu
- Siquijor
- Negros Oriental
- Negros Occidental
- Guimaras
- Iloilo
Mindanao:
- Dinagat Islands
- Surigao del Norte
- Agusan del Norte
- Agusan del Sur
- Northern portion ti Davao Oriental (Boston, Cateel, Baganga)
- Northern portion ti Davao de Oro (Compostela, Monkayo, Montevista, Laak)
- Northern portion ti Davao del Norte (Kapalong, San Isidro, Asuncion)
- Misamis Oriental
- Camiguin
- Northern and eastern portions ti Bukidnon (San Fernando, City of Malaybalay, Cabanglasan, Impasug-Ong, Malitbog, Sumilao, Manolo Fortich, Libona, Baungon, Lantapan)
Iti forecast track, umuna nga ag-landfall ti sentro ti bagyo BASYANG idiay eastern Mindanao inton bigat ti rabii (February 5) wenno agsapa ti Biyernes (February 6).
Kalpasanna, agturong idiay northeastern Mindanao, Central ken Western Visayas sakbay nga agturong idiay Sulu Sea bigat ti sabado (February 7).
Iti malem wenno rabii inton Sabado, bumallasiw ti bagyo BASYANG iti amianan a paset ti Palawan, sakbay nga agturong idiay West Philippine Sea.
Inton Domingo (February 8), namnamaen a kumapsot ti bagyo ken agbalin a low pressure area bayat ti panagballasiw na idiay Visayas.
