LA UNION – Kimmapsot iti Super typhoon Carina nga addaan ti International name a Gaemi, ken nagsubli iti kategorya a Typhoon bayat nga umas-asideg idiay Taiwan.
Iti 11 p.m. weather bulletin ti PAGASA, iti bagyo Carina ket naudi a nasaripatpatan iti kaadayu a 335 kilometers amianan ti Itbayat, Batanes, kabuyogna ti kapigsa ti angin a 175 kilometers per hour asideg iti sentro, ken kapegges a 215 kph.
Dup-dupagenna iti abagatan-a-laud iti kapartak a 15 kph ken rumuar iti Philippine area of responsibility ita nga agsapa ti Huwebes.
Iti tropical Cyclone Wind Signal No. 2 ket nakapayog pay laeng idiay Batanes
Signal No. 1 met idiay:
*Babuyan Islands
*Northern portion ti mainland Cagayan (Claveria, Santa Praxedes, Sanchez-Mira, Pamplona, Abulug, Ballesteros, Aparri, Camalaniugan, Buguey, Santa Teresita, Santa Ana, Gonzaga)
*Northern portion ti Ilocos Norte (Burgos, Bangui, Pagudpud, Dumalneg, Adams)
Segun iti PAGASA, makarwar man iti PAR ti bagyo Carina ita nga aldaw, ngem agtultuloy a makapadas ti napigsa a panagtudo gaputi Southwest Monsoon wenno habagat a pinapigsa ti bagyo Carina, dagiti sumaganad a lugar:
INTENSE RAINS (100-200 mm) – Zambales, La Union, Pangasinan, ken Benguet
MODERATE TO HEAVY RAINS (50-100 mm) Metro Manila, Bulacan, Pampanga, Cavite, Batanes, Babuyan Islands,
rest of Ilocos Region, Abra, Bataan, ken Occidental Mindoro.
Kabayatanna, inton bigat, (July 26), makapasar ti kalalainganna agingga napigsa a tudo (50-100 mm) idiay Zambales, Bataan,
Pangasinan, ken Benguet.
Inton Sabado, (July 27), agtultuloy a makapadasti moderate to heavy rains (50-100 mm) idiay Zambales ken Bataan.
