LA UNION – Lalo pay a pimmigsa iti bagyo Carina bayat a rum-rumwar iti Philippine Area of Responsibility (PAR) ken maysa itan a Super Typhoon.
Naudi a nasaripatpatan iti sentro ti Super Typhoon CARINA iti kaadayu a 380 km amianan ti Itbayat, Batanes.
Kabuy-buyogna iti kapigsa ti angin nga 185 km/h ken kapegges a dumanon iti 230 km/h.
Maibasar iti forecast track ti bagyo Carina, manamnama nga ag-landfall daytoy idiay northern Taiwan ita a rabii kagiddan ti panag-exit a iti Philippine Area of Responsibility (PAR) inton parbangon (July 25) ditoy Pilipinas.
Iti ruar ti PAR, iti Super Typhoon Carina ket maawagan a GAEMI, ken maudi nga ag-landfall idiay southeastern China inton bigat ti malem.
Nupay kasta, gaputi Southwest Monsoon wenno habagat a pinapigsa ti Super Typhoon Carina, agtultuloy a makapadas ti napigsa a panagtudo inton bigat dagiti sumaganad a lugar:
Ilocos Region, Cordillera Administrative Region, Nueva Vizcaya, Quirino, the eastern portion of Isabela, Central Luzon, Metro Manila, CALABARZON, MIMAROPA, Bicol Region, Western Visayas, Negros Occidental, ken Northern Samar.
Iti agdama, nakabayog pay laeng iti Tropical Cyclone Wind Signal no. 2 idiay Batanes.
Tropical Cyclone Wind Signal no. 1 idiay Babuyan Islands, the northern portion of mainland Cagayan (Claveria, Santa Praxedes, Sanchez-Mira, Pamplona, Abulug, Ballesteros, Aparri, Camalaniugan, Buguey, Santa Teresita, Santa Ana, Gonzaga), and the northern portion of Ilocos Norte (Burgos, Bangui, Pagudpud, Dumalneg, Adams).
