LA UNION – Nakarwaren iti Phil. Area of Responsibility (PAR) iti bagyo Enteng ken addaan itan ti international name a YAGI.
Nupay kasta, apagapaman a pimmigsa ti bagyo “ENTENG” idi rimwar iti Phil. Area of Responsibility (PAR).
Iti sentro ti bagyo ket naudi a nasaripatpatan iti kaadayu a 265 km laud amianan-a-laud ti Laoag City, Ilocos Norte.
Kabuyog ti kapigsa ti angin a 100 km/h asideg iti sentro ken kapegges a dumanon iti 125 km/h.
Nabuntog a dup-dupagenna iti pa-laud a direksiyon .
Kabayatanna, kas epekto ti pimmigsa a southwest monsoon ket nadawel ita ti kabaybayan partikular iti northern ken western seaboards ti Northern Luzon.
Nangirwar ti PAGASA iti gale warning, kaipapanan a risgo wenno delikado para kadagiti babbassit a lugan pangbaybay a pakairamanan ti amin a klase ti motorbancas a tumapog iti kabaybayan.
Kabayatanna, naikkat metten dagiti ballaag ti bagyo kalpasan a rimwar iti PAR ti bagyo Enteng itay parbangon ti Miyerkoles, Setyembre 4, 2024.
