LA UNION – Latest: Tropical Cyclone Bulletin #8
Issued at 11:00 pm, 28 September 2024
Agapaman a pimmigsa ti bagyo Julian bayat ti panagturong na iti kabaybayan, daya ti Cagayan
Iti sentro ti bagyo ket naudi a nasaripatpatan, 345 km daya amianan-a-daya ti Tuguegarao City, Cagayan.
Kabuybuyog na ti angin a 75 kilometro kada oras asideg ti sentro ken kapegges agingga 90 kilometro kada oras.
Bimmuntog ti garaw na a 10 kilometro kada oras bayat a dup-dupagenna iti abagatan-a-daya.
Tropical Cyclone Wind Signal no. 1 ket nakabayog iti sumaganad a lugar:
Luzon
Batanes, Cagayan agraman Babuyan Islands, Isabela, Apayao, Abra, Kalinga, eastern ken central portions ti Mountain Province (Natonin, Paracelis, Sadanga, Barlig, Bontoc), eastern portion ti Ifugao (Aguinaldo, Alfonso Lista, Mayoyao), Ilocos Norte, northern portion ti Ilocos Sur (Sinait, Cabugao, San Juan, Magsingal, Santo Domingo, Bantay, San Ildefonso, San Vicente), ken iti northern portion ti Aurora (Dilasag, Casiguran)
Maibasar iti track forecast, posible nga ag-landfall wenno maaddaan ti close approach scenario inton Lunes, Setyembre 30, wenno agsapa ti Martes idiay Batanes and/or Babuyan Islands.
Agtultuloy a pumigpigsa ti bagyo Julian iti pakabuklan a forecast period wenno agingga iti sumaruno a bulletin, alas 5:00 ti bigat.
Segun ti PAGASA, dackel ti tyansa a pumigsa pay ti bagyo ken dumanon iti super typhoon category.
Imballaag ti PAGASA a nadawel iti kabaybayan, partikular idiay Batanes a posible a dumanon ti 6 meters high ti dalluyon iti baybay; Babuyan Islands (waves up to 5 meters high); mainland Cagayan (waves up to 4 meters high); ken northern seaboard ti Ilocos Norte ken nabatbati pay a seaboard idiay Cagayan (waves up to 3.5 meters high).
Ti bagyo Julian iti maika-10 a tropical cyclone para ita a tawen 2024 ken maika-innem a tropical cyclone ita laeng a Setyember.
Namnamaen a rumuar iti PAR inton Miyerkoles, October 2.
Kabayatanna, agtultuloy met nga imon-monitor ti PAGASA iti Tropical Storm Jebi ket naudi a nasaripataptan iti ruar ti PAR iti kaadayu a 2,170 kilometers daya ti extreme Northern Luzon.
