LA UNION – Maysa laengen ita a low pressure area wenno LPA iti sigud a bagyo Julian.
Maibasar iti Tropical Cyclone Bulletin #35F a naiyisyu itay alas 11:00 ti bigat, ti sigud a bagyo Julian a nagbalin nga low pressure area itay alas 8:00 ti bigat, ket naan-anay metten a nakarwar iti Philippine Area of Responsibility (PAR).
Segun iti PAGASA, iti remnant circulation ti JULIAN ket posible a tumipon iti frontal system nga adda iti Taiwan area.
Iti nasao nga Low Pressure Area ket naudi a nasaripatpatan iti kaadayu 480 km amianan ti Itbayat, Batanes wenno addan idiay bisinidad ti Neihu District, Taiwan.
Kabayatanna, iti Intertropical Convergence Zone (ITCZ) ket mangipapaay ti nakuyem a panawen ken mawaras-waras a panagtudo ken panaggarru-od idiay Bicol Region, Visayas, Zamboanga Peninsula, idinto a nakapkapsot nga epekto ti ITCZ ti mapasaran idiay Metro Manila ken dadduma pay a paset ti pagilian.
Iti met easterlies ti mangipapaay ti nadagaang a panawen iti Ilocos Region, Cordillera Administrative Region, Cagayan Valley, ken Central Luzon.
Imballaag ti weather bureau a posible latta iti panaglayos ken landslides nu adda iti severe thunderstorms.
