LA UNION – Pimmigsa iti bagyo Kristine, adda itan iti kategorya a Tropical Storm.
Iti sentro ti bagyo ket naudi a nasaripatpatan iti kaadayu a 335 km daya ti Virac, Catanduanes.
Kabuyog na ti kagpigsa ti angin a 65 km/h asideg iti sentro ken kapegges a dumanon iti 80 km/h.
Agtur-turong iti laud amianan-a-palaud iti 10 a kilometro kada oras.
Naipangato ti ballaag ti bagyo iti Signal #2.
Dagiti lugar a nakapasidong iti ballaag ti bagyo ket dagiti sumaganad:
Tropical Cyclone Wind Signal no. 2
Luzon:
Catanduanes
Tropical Cyclone Wind Signal no. 1
Luzon:
Ilocos Norte, Ilocos Sur, La Union, Pangasinan, Apayao, Kalinga, Abra, Mountain Province, Ifugao, Benguet, Cagayan including Babuyan Islands, Isabela, Quirino, Nueva Vizcaya, Aurora, Nueva Ecija, Tarlac, Zambales, Bataan, Pampanga, Bulacan, Metro Manila, Cavite, Laguna, Batangas, Rizal, Quezon including Pollilo Islands, Masbate including Ticao Island, Burias Island, Marinduque, Romblon, and, Camarines Norte, Camarines Sur, Albay, Sorsogon
Visayas:
Eastern Samar, Northern Samar, Samar, Leyte, Biliran, and Southern Leyte
Mindanao:
Dinagat Islands and Surigao del Norte including Siargao – Bucas Grande Group
Iti bagyo Kristine, maibasar iti forecast track ti PAGASA, ket agturong iti direksiyon nga amianan-a-laud agingga nga ag-landfall idiay Isabela wenno northern Aurora inton bigat ti rabii, October 23 wenno parbangon ti Huwebes, October 24.
Posible a pumigsa pay ti bagyo #Kristine agingga iti severe tropical storm sakbay nga ag-landfall.
Ngem iti panag-ballasiw na iti Northern Luzon ket apagapaman a kumapsot.
Ngem inton agturong iti West Philippine Sea, iti bagyo #KRISTINE ket posible a pumigsa manen iti typhoon category agingga a rumuar iti Philippine Area of Responsibility (PAR) region inton Biyernes, October 25.
