BR LA UNION – Namnamaen a mangigubway ti napigsa agingga nakaru a panagtudo ti bagyo Maymay ken habagat ditoy La Union ken dadduma pay a lugar iti Luzon.
Naudi a nasaripatpatan iti sentro ti Tropical Depression MAYMAY iti kaadayu a 130 km laud amianan-a-laud ti Bacnotan, La Union kabuyog ti angin a 55 km/h asideg iti sentro ken kapegges a dumanon iti 70 km/h.
Dup-dupagenna iti daya amianan-a-padaya iti kapartak a 10 km/h.
Dagus nga impangato ti state weather bureau ti ballaag ti bagyo a Tropical Cyclone Signal No. 1 iti sumaganad a lugar:
Luzon:
- Ilocos Norte
- Ilocos Sur
- La Union
- Pangasinan
- Western portion of Cagayan (Santa Praxedes, Claveria, Rizal, Tuao, Sanchez-Mira, Pamplona, Abulug)
- Apayao
- Abra
- Kalinga
- Mountain Province
- Ifugao
- Benguet
- Western and central portions of Nueva Vizcaya (Dupax del Sur, Dupax del Norte, Kasibu, Quezon, Bagabag, Diadi, Bayombong, Ambaguio, Villaverde, Kayapa, Santa Fe, Aritao, Bambang, Solano)
- Northern portion of Nueva Ecija (Carranglan, Lupao, Cuyapo, Talugtug, Nampicuan, Guimba)
- Northern portion of Zambales (Candelaria, Santa Cruz, Masinloc, Palauig)
- Northern portion of Tarlac (Mayantoc, San Clemente, Camiling, Santa Ignacia, Gerona, Paniqui, Moncada, San Manuel, Anao, Ramos, Pura)
- Western portion of Isabela (Quezon, Cordon, Ramon, San Mateo, Mallig, Roxas, San Manuel, Aurora, Cabatuan, Alicia, San Isidro, City of Santiago)
- Northwestern portion of Quirino (Diffun, Cabarroguis, Saguday)
Maibasar iti forecast track, dandani saan nga aggaraw ti bagyo Maymay iti sumaruno a 12 nga oras, sakbay nga agturong a padaya ken ag-landfall idiay Ilocos Sur wenno ditoy La Union inton malem wenno rabii ti Miyerkoles (Agosto 5).
Kalpasanna, bumallasiw iti kadagaan ti Northern ken Central Luzon agingga Huwebes (Agosto 6).
Namnamaen a pumigsa ti bagyo MAYMAY iti Tropical Storm category bayat nga umas-asideg iti kadagaan iti sumaruno a 12 nga oras.
Kalpasan nga ag-landfall, namnamaen a kumapsoten ti bagyo iti tropical depression inton agsapa ti Huwebes ken agbalin a low pressure area, malem wenno rabii ti Huwebes, Agosto 6, 2026.
