Nag-landfall itan ti sentro ti Bagyong Nika idiay Dilasag, Aurora.
Segun iti state weather bureau, alas-8:10 ti bigat idi dimmuprak ti mata ti bagyo ti nadakamat a lugar.
Ti kangrunaan a pasilidad a naka-detect ti landfall ket iti Baler Weather Radar manipud iti isu metlaeng probinsya.
Mainaig iti daitoy, dagos a nangiruar ti heavy rainfall outlook ti ahensya kadagiti maapektaran a luglugar.
Manamnama iti intense agingga torrential (>200 mm) rain idiay Aurora, Isabela, Cagayan, Quirino, Nueva Vizcaya, Ifugao, Mountain Province, Kalinga ken Apayao.
Heavy to intense (100-200 mm) rain met ti posible a mapadasan iti Abra, Benguet, Ilocos Norte, Ilocos Sur ken ditoy La Union.
Kabayatanna, moderate to heavy (50-100 mm) rain met iti Camarines Norte, Camarines Sur, Quezon, Nueva Ecija, Tarlac ken Pangasinan.
