Nangipatungpal manen iti panagbalasa ti Philippine National Police (PNP) kadagiti pito nga opisyales da ita a bulan ti Mayo.
Iti unit re-assignment nga epektibo ita ng aldaw ket naidutok ni P/Brig. General Jovencio Badua Jr. a kas Acting Regional Director ti Police Regional Office 1 manipud ti PRO MIMAROPA.
Sumukat kenni Badua iti PRO MIMAROPA ket ni P/Brig. Gen. Christopher Dela Cruz a kas Acting Regional Director.
Naidutok pay ni P/Brig. Gen. Benliner Legaspi Capili a kas Acting District Director ti Northern Police District manipud iti panagbalin na a Director for Education and Training.
Sumukat kenni Capili ni P/Brig. Gen. Arnold Thomas Cabugao Ibay a kas Acting Deputy Director for Education and Training.
Kabayatanna, ni met P/Brig. Gen. Romano Velayo Cardiño iti naidutok a kas Acting Regional Director ti PRO Negros Island Region kasukat ni Ibay.
Sumukat kenni Cardiño ni P/Brig. Gen. Dindo Regis Reyes a kas Acting Director for Comptrollership.
Manamnama nga agtultuloy ti panagbalasa ti Philippine National Police agsipud ta adu nga opisyales da dagiti agreretiro ita a tawen.
