Nainget a pinaglibakan ti Baliwag, Bulacan nga adda pakainaigan da iti P55M “ghost flood control project” nga ininspeksyon ni Presidente Ferdinand Marcos Junior idiay Barangay Piel idi Agosto 20.
Impaganetget ti lokal a gobierno ti Baliwag a ti proyekto a reinforced concrete river wall idiay Purok 4 ti Barangay Piel ket eksklusibo nga impatungpal, pinondoan, ken binayadan ti Department of Public Works and Highways (DPWH), segun metten iti dokumento manipud iti Malacañang.
Indepensa da a saan a dimmalan iti ciudad ti nasao a proyekto ken awan a pulos ti insubmitir ti City Engineering Office kasta met ti aniaman a koordinasyon ti aniaman a lokal a gobierno idiay Bulacan.
Immunan nga inawagan ni Presidente Marcos a mapagduaduaan iti proyekto kalpasan a makaawat da iti report a saan a substandard iti naipasdek a istruktura.
Kinondenar met lokal a gobierno ti proyekto ken impeksa ti pannakipamaysa da iti addang ti Presidente a pagsungbaten dagiti adda iti likudan ti anomalya.
Dagos met nga imbilin ni PBBM ti panag-blacklist ti kompanya nga SYMS Construction Trading a karaman iti nasao a proyekto. Panggep pay na pay a makasoan daitoy babaen ti Anti-Graft and Corrupt Practices Act ken malversation of public funds gapo iti falsification of public documents.
Pinaregta na met iti publiko a saan a mabuteng nga ipulong dagiti maanomalya a proyekto babaen ti ”Sumbong sa Pangulo website”.
