Arestado iti naisayangkat a buy bust operation dagiti otoridad ti maysa a balut vendor idiay Brgy. San Francisco, City of San Fernando, La Union.
Nabigbig iti naarestar a ni Renato Castillo, 52-anyos, addaan asawa ken tubo iti Dasmariñas, Cavite ngem kasangwanan nga agnanaed iti nadakamat a barangay.
Iti insayangkat nga buy bust operation dagiti kameng ti San Fernando City Police ken Philippine Drug Enforcement Agency (PDEA) Region 1, nakagatang ti operatiba kenkuana iti (1) a sachet nga aglaon iti maatap a shabu. Nakumpiskar pay manipud kenkuana ti (3) a sachet nga aglaon iti maatap marijuana, P500 a marked money ken cellphone.
Sigun iti pulisya, siguden a natiliw iti Tokhang idiay Cavite ti suspek.
Immuna metten a kinuna ti suspek a siguden daytoy nga agar-aramat iti maipawil nga agas nupay nagsardengen daytoy.
Iti panagturong na ditoy La Union ket maipagarop a nabilin daytoy nga agideliver ti droga kasukat iti komisyon na a P500 pesos.
Iti agdama, addan iti kustodiya iti San Fernando City Police Station ti suspek para iti naan-anay a disposisyon no sadino manamnama iti pannakaidatag ti kaso a Comprehensive Dangerous Drugs Act of 2002 kontra kenkuana.
