Agtultuloy ti maisaysayangkat a panagbiruk dagiti kapulisan iti bangkay ti American vlogger a ni Elliot Eastman kalpasan a makidnap idiay Zamboanga.
Kinuna ni PNP spokesperson Police Brigadier General Jean Fajardo, addan ti maysa nga naarestar nga suspek ken segun kadaitoy ket mabalin a pinapatayen ti kakadwa na ni Eastman.
Innayon na pay nga adda tama na ti paltog ti luppo ken tiyan kalpasan a limmaban kadagiti armado a kidnapper.
Malaksid iti impormasyon ket adda pay ti nakakita a nga naibelleng ti biktima iti kabaybayan gapo metten iti nakaro a tama ti bala.
Kadwa itan ti PNP ti Armed Forces of the Philippines tapno biruken ti bagi ni Eastman.
Maipalagip nga idi napan a bulan ket napapatay dagiti otoridad dagiti tallo kadagiti suspek nga adda ti likudan ti nasao a panagkidnap; tallo kadagitoy met iti naarestar.
