Kinumpirma ti Department of Foreign Affairs (DFA) a nakaawiden ditoy Pilipinas idi Abril 16 ti bangkay ti Filipina a natay iti panagraut ti Iran idiay Haifa, Israel.
Ti 29-anyos a ni Lucille Jean Gershovich a natay gapo iti missile strike ket dagos a napaawid iti probinsya na idiay Lanao del Norte.
Kabayatanna, 22 pay a Pilipino, pakairamanan dagiti dua nga ubbing, iti tinulongan ti DMW-Overseas Workers Welfare Administration (OWWA) team ti Philippine Embassy a makaballasiw sadiay Taba Border Crossing paruar ti Israel idi Abril 16.
Idi nakadanon sadiay Taba, Egypt ket sinabat ida ti Philippine Embassy idiay Cairo ken OWWA Rapid Response Team. Manipud Cairo ket naglubbon da ti flight nga agtayab idiay Oman paawid ditoy Pilipinas ken manamnama a makaawid inton Abril 18.
Pakabuklan a 191 a Pilipino, pakairamanan dagiti caregivers, hotel workers, menor de edad, turista, pilgrims, ken estudyante ti nakaballasiw iti beddeng ti Israel.
