LA UNION – Madaman iti pannakaiproseso iti bangkay ti mangngalap a nasarakan iti kabaybayan ti Barangay San Agustin, San Fernando City, La Union.
Nabigbig iti biktima a ni Armando Tagara ti Anda, Pangasinan.
Segun kenni ENS PCG PIO French Alayon ti Coast Guard District North Western Luzon iti pannakaiuman ti Bombo Radyo La Union, immuna a naipadamag a mapukpukaw ti mangngalap idi Abril 2 agingga a marekobre ti bangkay na idi malem kalman.
Sakbay a napasamak ti insidente ket naglayag ti biktima tapno agkalap.
Makikokoordinar metten ita ti Philippine Coast Guard District North Western Luzon Command iti pamilya ti biktima tapno alaen ti bangkay na.
Immuna a nasarakan ti maysa a sibilyan ti bangkay nga tumtumpaw iti kabaybayan ti Barangay San Agustin, San Fernando City no sadino dagus a nagresponde dagiti otoridad.
