LA UNION – Maysa a bangkay ti lalaki iti nasarakan a nakaikabil iti uneg ti dua nga sako iti abandonado a lugan idiay Sitio Quillo Barangay Corro-oy, Santol, La Union.
Nabigbig iti biktima a ni Reynard Mostoles, 24 anyos, residente ti Barangay Nagrebcan, idiay ili Luna.
Iti pannakiuman ti Bombo Radyo kenni PSI Felipe Ruiz Jr, hepe ti Santol Police Station, indanon kadakuada dagiti Barangay kagawad iti nasao a lugar ti abandonado a lugan.
VC1 – PSI Felipe Ruiz Jr
Iti insayangkat nga imbestigasyon ti Scene of the Crime Operative (SOCO), nasarakanda iti likod a paset ti lugan iti bagi ti biktima a nakaikabil iti sako ken addaan ti tama ti bala iti kannawan a ping-ping na.
VC2 – PSI Felipe Ruiz Jr
Mamati dagiti otoridad a saan nga iti area of responsibility da nga natay ti biktima ngem ditoy laeng a naibilleng ken nailugan iti SUV.
Iti agdama ket agtultuloy nga am-amuen dagiti otoridad ti motibo iti crimen ken ni siasino iti makinkukua ti SUV.
