Nangiwaragawag ti liday ken pannakiladingit ti Bangsamoro Government iti panagpusay ni Pope Francis.
Nakailanad iti mensahe ti pannakiramay iti intero a Simbaan Katolika ken kadagiti Katoliko nga agnanaed idiay Bangsamoro nga agtultuloy nga agladladingit ti panagpusay ti Santo Papa.
Segun iti Bangsamoro Government, ti ipupusay ni Pope Francis ket naliday a pasamak nangruna ta agserserbi isuna a namnama ken simbolo iti panangitandudo ti kinakapia, hustisya, ken interfaith dialogue.
Maysa kadagitoy ti agtultuloy na panag-apela iti kinatalna para ti Middle East nangruna kadagiti atroksidad idiay Palestine.
Kinuna da pay a ni Pope Francis ket maysa a bokal ti ‘moral clarity’ kasaruno ti panangallukoy na kadagiti world leaders a liklikan ti gyera, imbes ketdi ket mangbirok iti nakapia a resolusyon kadagiti saan a panagkakaiinwatan.
Dagitoy ket saan laeng a simple a waragawg, nu ketdi panangparegta nga umaksyon ken palagip para iti kapatiran ken panagmaymaysa.
Ita a panawen ti panagladingit, impaganetget ti Bangsamoro Government ti panakipamaysa da kadagiti Kristiyano kasaruno ti commitment para ti panangpagipsa ti maysa a komunidad nga agraira ti kapia ken panagraem ti tunggal maysa.
