BR LA UNION – Inyuswat idi kalman Hunyo 13, iti civil society, akademiko, ken grupo ti simbaan iti “Bantay Impeachment” campaign tapno allokoyen iti nainget a panangbantay ti publiko iti agtultuloy nga impeachment proceedings kontra kenni Vice President Sara Duterte.
Dimmar-ay iti nasao nga aktibidad dagiti miyembro ti House prosecution team nga isuda Bicol Saro Party-List Rep. Terry Ridon, Manila Rep. Joel Chua, ken Kabataan Party-List Rep. Renee Co kas suporta iti inisyatiba.
Kabilang dagiti nailatag nga aktibidad iti forum, watch party, rally, ken dadduma pay a programa tapno bantayan iti proseso ti impeachment, irwar ti anyaman a gandat a pananglapped ken allokoyen iti partisipasyon dagiti umili.
Segun kenni Professor David San Juan ti Taumbayan Ayaw sa Magnanakaw, rumbeng a matingiting dagiti ebidensya imbes a lapdan ti panagusig.
Kabayatanna, imbaga ni Joaquin Buenaflor ti Youth Rage Against Corruption a napateg iti isyu ti impeachment agsipudta tunggal piso a maiturong iti korapsyon ket pondo a rumbeng a pagnumaran ti umili.
