Padpadarasen ti Department of Transportation (DOTr) ti panagpili ti baro a contractor a maituloy ti naitantan a konstruksyon ti MRT Common Station wenno iti Unified Grand Central Station sadiay North EDSA, Quezon City.
Iti naangay a Malacañang press briefing ket kinuna ni Transportation Secretary Vince Dizon, a posible a sakbay nga agleppas ti tawen ket adda iti mapilin a baro a sumukat nga contractor.
Agingga 80% metten iti naileppas a proyekto isu ket manamnama a saanen nga agpaot ti nabayag a panawen sakbay a mailukat daitoy iti publiko.
Panggep ti DOTr a malukatan ti Common Station para ti umuna ken maikadua a quarter ti tawen 2027, kasaruno ti panagrugrugi ti operasyon ti MRT-7 ken panagkonektar ti LRT Line-1.
Segun kenni Dizon, napateg ita a maipalpas pay ti proseso a panagpili ti baro a contractor tapno maituloyen ti konstruksyon ken mapagnumaran ti publiko iti Common Station.
Idi pay tawen 2017 a narugian ti konstruksyon ti Common Station a nalukatan kuman idi tawen 2023 ngem natantan laeng gapo iti issue ti sigud a contractor.
