Nangbukelen ti gobierno iti baro a task force tapno mangidaulo iti rehabilitasyon ti San Juanico Bridge.
Kasaruno daitoy ket maipatungpal metten dagiti baro a safety protocols para ti maysa a kaatiddogan a rangtay ditoy Pilipinas, karaman iti 24/7 security patrol babaen ti lokal a gobierno ken dagiti law enforcement agencies.
Maaddaan pay iti konkreto a rerouting plan para kadagiti heavy vehicles ken ti maidatag a centralized Public Assistance Desk.
Segun iti Office of Civil Defense (OCD), ti umuna a paset ti task force ket pawilan a bumallasiw dagiti pedestrian iti nasao a rangtay. Nu ketdi ket maaramat dagiti light vehicle kasta met dagiti coasters a mangibiahe kadakuada, nangrugi idi kalman.
Kas maiyannurot ti orihinal a plano, dagiti RoRo vessels itan ti mangikarga kadagiti nadadagsen a cargo trucks. Maisagsagana metten dagiti Roro ports ti intero a probinsya ti Leyte ken Samar para ti manamnama nga adu a lugan a maserbisyohan.
Kinuna iti Department of Public Works and Highways (DPWH) nga addaan iti structural damage iti San Juanico Bidge isu a malimitaran laeng ti tallo a tonelada ti mabalin nga agdalyasat.
Kasapulan pay nga usaren dagiti mangusar iti rangtay ti centerline ken maysa-maysa laeng ti panagdalyasat babaen ti panangimando dagiti nadutokan a traffic enforcers.
Iti agdama ket adda itan ti Blue Alert ti sitwasyon ti rangtay, kayat a satwen ket nakasagana para ti aniaman nga emergency situation a mabalin a mapasamak iti rehabilitasyon ti nalatak a San Juanico Bridge.
