BR LA UNION – Napaspas a nalapdan dagiti otoridad ti sabali manen a timpuar a wildfire iti kabakiran idiay Los Angeles, California.
Nairekord ti brush fire idiay Ventura County, a maaw-awagan nga ‘Auto Fire.’
Dimmanon iti 55.7 nga ektarya ti uram kalpasan a ma-contain dagiti bombero ti uram ken naan-anay a nasebseb.
Ngem, gapu iti agsasaruno nga uram, nangipaulog ti National Weather Service (NWS) iti sabali pay nga air quality alert ket sakop na iti South Coast air basin agraman amin ti Orange County ken dadduma pay a paset ti LA, Riverside ken San Bernardino counties ken Coachella Valley.
Gapu iti agsasaruno nga uram, nangipaulog ti National Weather Service (NWS) iti sabali pay nga air quality alert, a mangsakop iti South Coast air basin agraman ti amin nga Orange County ken dadduma pay a paset ti LA, Riverside ken San Bernardino counties ken Coachella Valley.
Daytoy ket gapu iti makadangran a lebel ti tapok ken dapo nga intayab ti angin nga agturong iti residential area.
Agpaut ti warning agingga ita a rabii ti Miyerkules
Napalagipan dagiti residente iti apektado nga lugar a liklikan iti outdoor activities ken pagtalinaeden a nakarikep dagiti bintana ken ruangan ti balay ken lugan.
