Nakabaluden ti maysa a baro a maipagarup a naglako iti droga idiay Barangay Bucao, ili ti San Gabriel, La Union.
Nabigbig ti suspek a ni Mark Flores, 31-anyos, residente iti syudad ti San Fernando, La Union.
Naammuan ti Bombo Radyo manipud iti San Gabriel Police, nakompiskar manipud iti ikot ti suspek iti uppat a sachet a naglaon iti maatap a marijuana, P200 kas buy-bust money ken maysa a cellphone.
Isagsagana metten ti pulisya iti kaso a panaglabsing iti Comprehensive on Dangerous Drugs Act of 2002 kontra ti suspek.
