LA UNION – Dead on the spot ti maysa a baro kalpasan daytoy nga naitama iti poste ti kuryente idiay kawatiwatan ti Barangay Almeida iti ili nga Balaoan, La Union.
Nabigbig iti pimmusay nga biktima a ni Jonathan Opetina, 34, residente ti Barangay Apatot iti nadakamat nga ili.
Iti nakalap nga report ti Bombo Radyo kenni Police Executive Master Sergeant Marlon Macabitas manipud Balaoan Police, naggapu ti biktima idiay Barangay Paraoir iti nadakamat met laeng nga ili tapno agiinom kadua dagiti gagayyem na.
Kabayatan iti panagawid ti biktima ket naidungpar iti manmanehuen na a motorsiklo iti maysa nga poste ti kuryente gapu iti maipagarop kinabartek daytoy.
Gapu iti kinapigsa ti pannakaidungpar ket maipagarop nga arigna napis-it iti muging ti biktima ken karaman nga nadadael ti lugan na.
Iti agdama ket, naiyawid metten iti bangkay na iti balayda tapno malamayan.
