Natiliw ti maysa a baro kalpasan a nagilako ti illegal a droga idi rabii ti Agusto 9, 2023 babaen iti naisayangkat a Buy-bust operation idiay Barangay Lingsat ditoy syudad ti San Fernando, La Union.
Nabigbig ti baro managan Romnick Manuel, 28-anyos, awanan asawa, awanan trabaho ken residente ti Barangay Lingsat, San Fernando, La Union ken maibilbilang a maysa nga Street Level Individual.
Natakuatan dagiti otoridad kenni Manuel iti maysa a pidaso nga heat sealed transparent plastic sachet containing white crystalline substance nga agdagsen ti 0.2 gramo nga aggatad ti P1,360, maysa a pidaso nga heat sealed transparent plastic sachet containing white crystalline substance nga agdagsen ti 1 a gramo nga aggatad ti P6,800, maysa a pidaso a P1000 bill a kas nagserbi a buy-bust money, dua a pidaso nga cellular phones,ken maysa a shoulder bag.
Kabayatanna ti suspect ket dagos a naiturong idiay City Health and Wellness Center tapno agpaisidong ti medical examination bayat a matamtamengen daytoy suspect iti kustodiya ti City of San Fernando Police Station para iti Proper disposisyon daytoy.
Sumangsango itan ni Manuel ti kaso a panaglabsing ti Republic Act 9165.
