Plano ni Department of Trade and Industry (DTI) Acting Secretary Cristina Aldeguer – Roque a mangilatag iti ad-adu pay nga programa a mangpapigsa dagiti small and medium size enterprises (SMSE) ti intero nga pagilian.
Segun iti sekretaryo, daitoy ket maysa kadagiti wagas a mangpapigsa iti ekonomiya ti Pilipinas.
Kinuna pay ni Acting Secretary Cristina Aldeguer-Roque nga uray bassit a porsyento laeng dagiti small and medium enterprises ti kabaelan da ti agpalago ket sigurado nga makaaramid daitoy iti adu nga trabaho ken dakkel latta iti sangapulo a porsyento nga ambag na dagitoy.
Sumagmamano kadagiti plano ti DTI Chief ket iti digitalization kadagiti nadakamat a negosyo, nalawlawa a panagusar iti social media platform kasta met iti artificial intelligence (AI).
Mabalin met a matulungan dagitoy babaen iti kanayunan a pondo usar iti DTI – Small Business Corporation.
Kasta met a mabalin pay a malukatan iti nalawlawa nga franchising kadagiti napintas a Negosyo.
