LA UNION – Nagyaman iti baro a Regional Director ti Police Regional Office (PRO)-1 iti naisayangkat nga turn over command ceremony ken retirement honors iti grandstand ti Camp Brig. General Oscar Florendo iti syudad ti San Fernando, La Union.
Maipalagip, sinukatan ni Police Brig. General JOEL SABIO ORDUÑA ni out going Police Brig. General Romulo Sapitula a nagretiro idi kalman.
Nagyaman met ni ORDUÑA iti talek nga impaay kenkuana ni Pangulo Rodrigo Duterte ken ni Police General Oscar Albayalde iti panag-assume na iti trabaho.
Kinuna met ni ORDUÑA a tungpalenda dagiti pagalagadan nga ipatpatungpal ti PNP ken pagtalinaeden iti kinakapya ken kinaurnos.
Inallukoy na met dagiti miembro ti PRO-1 nga agbalin nga imbestigador ken aramiden ti maiparbeng nga addang iti panagresponde iti anyaman a klase ti sitwasyon.
Siniguro met ti opisyal nga aramidenda ti amin tapno maliklikkan iti panangaramid iti saan a makaay-ayo nga aramid.
Kidkiddawen met ti opisyal iti kooperasyon dagiti Provincial Directors ken hepe ti pulisya a kaduaen daytoy iti panangipatungpal ti disiplina ken surprise inspection tapno masiguro a kanayon nga nakasagana dagiti dagitoy iti anyaman a pasamak.
