Pormalen a naideklara kas “ASG-free” wenno Abu Sayyaf free iti probinsya ti Basilan a sigud ket nagraira dagiti aktibidad ti notorious nga Abu Sayyaf Group (ASG).
Naisayangkat ti deklarasyon kagiddan ti seremonya a dinarayan ni Office of the Presidential Adviser on Peace, Reconciliation, and Unity (OPAPRU) Secretary Carlito Galvez Jr., Special Assistant to the President Antonio Lagdameo Jr., ken ni Basilan Governor Jim Hataman.
Segun kenni Galvez, ti deklarasyon ti Basilan kas ASG-free ket napateg nga addang para ti kinakapia ti probinsya.
Imbatd napy dagiti nagbalin nga akem dagiti operasyon ti militar ken kadagiti peace initiatives para ti panangpakapsot ti ASG idiay Basilan a pagaammo para ti brutal a pammapatay ken panagkidnap.
Ti balligi kunana ket saan laeng a gapo iti militar nu di ket karaman payen dagiti programa para ti socio-economic development a nangipaay ti gundaway kadagiti komunidad a makabangon manipud ti epekto ti extremism.
Sakbay daitoy ket ti deklarasyon a naibasar ti Resolution No. 01, Series of 2025, nga impasa ti Provincial Peace and Order Council ken Provincial Anti-Drug Abuse Council idi bulan ti Pebrero.
Maipalagip a binigbig ti Basilan-based 101st Infantry Brigade dagiti panagsurrender ken reintegration ti sigud a miembro ti ASG kas paset iti balligi da.
