BR LA UNION – Kinondinar ti China iti nagbalin a waragawag ti U.S ken Japan, a naglaun ti kritisismo kontra kadagiti “provocative activities” ti Beijing iti pagin-innagawan a kabaybayan idiay West Philippine Sea (WPS).
Inawagan ti China a panang-atakar kadakuada ken panagiwaras ti biddut nga impormasyon.
Iti nasao a waragawag ti China ket nairuar kalpasan ti panagtaripnong da US President Donald Trump ken Japanese Prime Minister Shigeru Ishiba idiay Washington idi Biyernes, a nangitunda ti panangkontra iti “unlawful maritime claims, militarisasyon iti reclaimed features, ken threatening and provocative activities idiay West Philippine Sea”.
Kas sungbat, imbaga ni Chinese Foreign Ministry spokesman Guo Jiakun a dagiti waragawag ti US ken Japan ket pannakibiang iti internal affairs ti China, ken dagiti nasao a waragawag kunana ket mangpakaru laeng ti tensyon iti rehiyon.
Maipalagip a nabayagen a tag-tagikuaen ti China iti dandani intero a soberanya idiay WPS, maysa a territorial claims a makagapo ti susik iti claims ti teritoryo ti sumagmamano a pagilian iti SouthEast Asia a kas ti Malaysia, Vietnam, Indonesia, Brunei, ken Pilipinas.
Daytoy ket laksid ti international ruling idi 2016 a mangibagbaga nga awan ti legal a basaran dagiti nasao a claim ti China.
