Awan sardeng iti gobierno ti Pilipinas ti panangideport kadagiti illegal aliens.
Pinasingkedan ti Bureau of Immigration a dumanon ti pakabuklan a 115 foreign national ti naaramid a maipadeport ti ahensya gapo iti panagbalin nga illegal alien da ita nga umuna a paset ti Hunyo.
Segun kenni Immigration Commissioner Joel Anthony Viado, dumanon ti 44 Vietnamese nationals ti naipadeport da idi Hunyo 3.
Napasarunuan pay daitoy dagiti 12 a South Koreans, 26 a kanayunan a Vietnamese nationals idi Hunyo 14 ken maysa a Malagasy national; kanayonan manen a 25 Vietnamese national idi Hunyo 6.
Maibsar ti datos ti ahensya, kaadwan kadagitoy ket gangganaet a naarestar kalpasan ti nagsasaruno nga iperasyon kadagiti Philippine Offshore Gaming Operators .
Immuna metten nga imbilin ni Presidente Ferdinand Marcos Junior ti total ban ti POGO ditoy pagilian kalpasan a matakuatan ti pannakainaig da kadagiti kriminal nga aktibidad.
Nagpakdaar met ni Viado kadagiti gangganaet nga aggangandat a sumrek ditoy Pilipinas tapno garamid ti krimen a saan nga agtalna ti gobierno a mangsukimat ken mangtiliw kadakuada.
