BR LA UNION – Napagnumwan ken inaprubaran ti Bicameral Conference Committee nga aramiden ti Department of Economic Planning and Development (DEPDEV) ti agdama a National Economic Development Authority (NEDA).
Ni House Ways and Means Committee Chair Joey Salceda ti nangputar iti gakat a mangbuangay ti independent economic planning department ket kalpasan ti 40 a tawen, nakumpleto met laengen ti Kongreso iti mandato ti Konstitusyon a panang-buangay ti nawaya nga ahensya para iti panagplano ti ekonomiya.
Nakailanad iti Article XII Section 9, a maitalek iti Kongreso a mangbukel ti maysa nga independent economic planning agency, a buklen iti maysa a full cabinet department.
Innayon pay iti ekonomista a mammanday linteg a nalawag iti Konstitusyon a ti National Economic and Development Authority wenno NEDA ket temporaryo laeng.
Iti DEPDEV ti agserbi a primary socioeconomic planning agency a mangbukel iti napaut a development framework ti Pilipinas.
Amin a komite iti sidong ti NEDA pakaibilangan iti SubCommittee on Inflation Monitoring ket ma-institutiinalize tapno mas matutukan ti gobyerno iti panangbantay dagiti presyo.
Apaman a maaprubaran ti dua a pagpandayan linteg iti bicam report ket mabalinen nga isumite daytoy iti opisina ti Presidente tapno pirmaan ken pasingkedan a linteg.
