Kalpasan ti makalawas a pannakaipatungpal ti namindua a bigtime oil price hike, manamnama met iti big-time rollback iti umuna a lawas ti bulan ti Hulyo.
Maibasar iti 4-day trading, mapatta-patta iti P1 – P1.40 a rollback ti kada litro ti gasolina bayat a ti diesel ket mabalin met a matapyasan ti P1.60 – P2.10 iti kada litro ken dumanon met ti P2 – P2.20 ti rollback ti kada litro iti kerosene.
Segun iti Department of Energy – Oil Industry Management Bureau, konektado iti bigtime oil price rollback iti kallabes a ceasefire ti nagbaetan ti Iran ken Israel a nangpababa met iti pressure iti supply ti langis.
Iyanunsyo dagiti kompaniya ti langis ti opisyal a panagbalbaliw ti presyo kadagiti produkto a petrolyo inton aldaw ti Lunes nga agbalin nga epektibo inton aldaw ti Martes, Hulyo 1.
