Comatose itan iti kondisyon ti biktima ti aksidente idiay Barangay Taboc, San Juan, La Union.
Iti pannakiuman ti Bombo Radyo La Union kenni Agusto Apilado, manongen iti biktima Almirante Apilado, 53 anyos, tricycle driver agpada a residente iti Brgy. Dinanum, kinuna na a nakaradkad pay ti kabsat daytoy idi adda isuna iti Bacnotan District Hospital ngem nagbaliw ti langa daytoy iti maiyakar iti Ilocos Training & Regional Medical Center.
Segun kenni Agusto, a nagbakwar ti dara ti kabsat daytoy kabayatan ti kaaddada iti ITRMC ken maipagarop a kritikal ti kasasaad na segun iti nangtaming kenkuana a doktor.
Kabayatan na, saanda a patsen iti immuna a naibaga a nagsarili ti kabsat na agsipudta agduma daytoy iti makitkitada iti pannakadadael iti tricycle ken iti sugat iti biktima.
Nupay kasta, awatenda no anya iti nakaikeddeng iti kabsat daytoy agsipudta saanda nga ammo iti pudno a napasamak.
Immuna ditoy, nakita dagiti residente a nakadasay iti kalsada ti biktima no sadino maibasar iti imbestigasyon ti San Juan Police ket self vehicular accident ngem maibasar kadagiti nakakita ket maysa a truck iti nangdalapos iti tricycle ti biktima a dagus nga naglibas kalpasan iti insidente.
Naitaray ti biktima idiay Bacnotan District Hospital para iti pannakataming daytoy gapu iti sinagabi na a minor injuries.
Maibasar iti inisyal nga imbestigasyon dagiti otoridad, maipagarup a nagsarili iti biktima. Naamwan a nabartek pay daytoy.
Iti agdama, agtaltalinaed pay laeng ti biktima iti pagagasan bayat a naipakaammon iti pamilya na iti insidente.
