Dumanonen ti nasurok 2.5-M a Pilipino ti rehistrado a persons with disability (PWDs) ditoy Pilipinas.
Ti impormasyon ket impadanon ti National Council for Disability Affairs (NCDA) kas maibasar iti datos ti Department of Health (DOH) idi Hunyo 17. Ngimmato ti bilan iti 35% manipud ti 1.8M a nailista idi Hunyo 2024.
Kadakkelan a porsyento dagiti addaan ti pisikal a deperensya ket a dumanon ti 827,189 bayat a karaman met dagiti maaw-awagan kas invisible disabilities iti Speech impairment nga addaan bilang a 335,763; Psychosocial disability (314,210); Visual disability (251,302); Mental disability (152,762); Intellectual disability (137,491); Deaf/hard of hearing (129,021); Cancer (110,880); Learning disability (102,623), ken Rare disease (49,112).
Segun iti DOH, amin a 17 a rehiyon ditoy Pilipinas ket nakailista ti panagngato ti PWDs ti nagbaetan ti tawen 2024 ken 2025.
Immuna metten nga inlawlawag dagiti otoridad a ti panagngato ti bilang ket inggubuay ti nasaysayaat a reporting systems ken accessible a serbisyo pangsalun-at kadagiti lokal a gobierno a nakatulong para iti madagdagos a panangilasin kadagiti kaso.
