Pinasingkedan ti Bureau of Jail Management and Penology (BJMP) a naituloden ni sigud nga House Speaker ken Leyte 1st District Representative Ferdinand Martin Romualdez idiay Philippine General Hospital (PGH).
Alas-8:35 ti bigat ita nga aldaw idi nakastrek ti convoy ni Romualdez sadiay PGH ken alas-8:45 idi maiyakar isuna ti pasilidad iti ospital.
Segun iti BJMP, naisayangkat iti panangiyakar kas maiyannurot iti pammilin ti Sandiganbayan Third Division tapno maipasidong isuna iti medical assessment.
Nabilin iti PGH nga isubmitir sadiay Sandiganbayan iti resulta ti panagadal kenni Romualdez, kasta met dagiti rekomendasyon da iti sasaaden na.
Ur-urayen paylaeng ti BJMP dagiti sumaruno a pammilin ti korte sakbay a maiyakar daitoy idiay Quezon City Jail Male Dormitory, Payatas, Quezon City.
