Napagtalinaed ti Bagyong Crising ti kapigsa na kabayatan a dupdupagen na ti kabaybayan a masakopan ti Baler, Aurora.
Maibasar ti datos manipud Philippine Atmospheric, Geophysical and Astronomical Services Administration (PAGASA), nakita ti sentro iti bagyo iti 460km Abagatan ti Baler, Aurora nga addaan ti kapigsa ti angin a dumanon ti agingga 55km iti kada oras ken kapegges a dumanon ti agingga 70 iti kada oras. Dupdupagen na iti pa Amianan-a-laud a direksyon ti pakartak a 15km iti kada oras.
Manamnama nga ag-landfall iti bagyo idiay mainland Cagayan wenno Babuyan Island ita malem ti Biernes, Hulyo 18.
Kabayatanna, naipangato met iti Tropical Cyclone Wind Signal No. 1 kadagiti 21 a lugar ditoy pagilian:
Abra, Apayao, Isabela, Batanes; Cagayan, agraman Babuyan Islands; Ilocos Norte, Ilocos Sur, Kalinga, Mountain Province, Ifugao, Benguet, Quirino; Dilasag, Casiguran, Dinalungan, Dipaculao, Baler, ken Maria Aurora idiay Aurora.
Karaman pay dagiti lugar ti Nueva Vizcaya; San Nicolas, Natividad, San Quintin, San Manuel, Tayug, Sison, San Fabian, Pozorrubio, Laoac, Binalonan, San Jacinto, Manaoag, Mangaldan, Dagupan City, Binmaley, Lingayen, Labrador, Sual, City of Alaminos, Bolinao, Anda, Bani, Agno, Burgos, Mabini, Dasol, Calasiao, Santa Barbara, Mapandan, ken Bugallon idiay Pangasinan; Carranglan ken Pantabangan iti amianan nga ili ti Nueva Ecija; Polilio Islands, Camarines Norte; Caramoan, Garchitorena, Lagonoy, San Jose, Presentacion, Tinambac, Sirum, ken Goa idiay Camarines Sur; kasta met iti Catanduanes.
Kabayatanna, mapatta-patta a rumuar ti bagyo iti Philippine Area of Responsibility (PAR) iti malem wenno rabii ti Sabado, Hulyo 19.
