LA UNION – Natiliw iti naisayangkat nga buy bust operation ti maysa a Barangay Kagawad ti Brgy. Langaoan, Sta. Maria, Ilocos Sur idi kalman August 14, 2018.
Binigbig ni Police Senior Inspector Joel M Castillo, Chief of Police, Sta Maria Police Station ti suspek a ni Brgy. Kagawad Eddie Fernando Cabico.
Iti naisayangkat nga operasyon dagiti kapulisan, naala manipud iti suspek (1) ti bassit nga plastic sachet a naglaon ti white crystalline substance nga maipagarop a “shabu” ken P500 peso bill kas buy-bust money.
Malaksid a drug surrenderee ni Cabico ket makunkuna nga isuna ket kabilang iti Narco Politician ken user iti municipality level.
Immunan a naipasidong iti medical examination ni Cabico nga ita ket agtaltalinaed iti Philiipine Drug Enforcemen Agency Regional Office 1, ti San Fernando City, La Union tapno sangwen iti kaso na.
Agtultuloy met iti Anti-Illegal Drug Campaigns ti Police Regional Office 1 tapno masiguro iti kinatlged dagiti umili iti rehiyon.
