Saanen nga umawat iti Bangko Sentral ng Pilipinas (BSP) dagiti aplikasyon para iti digital banking licensing inton Disyembre 1, kalpasan nga aprobaran ti Monetary Board iti moratorium ti digital bank licensing idi Setyembre 18.
Dagiti interesado nga aplikante ket mabalin nga agsubmitir ti aplikasion da agingana inton bulan ti Nobiembre, agdama a tawen, ken maammiris babaen ti first-come, first-served basis dagiti addaan ti kompleto a dokumento ken requirements.
Iti agdama ket adda ti innem a digital banks ditoy pagilian ken manamnama a manayunan pay.
Dagitoy dagiti agdama a digital banks:
-Maya Bank
-Overseas Filipino Bank
-Tonik Digital Bank
-GoTyme Bank
-UNOBank
-Union Digital Bank.
###
