BR LA UNION – Nasaripatpatan iti build-up wenno panagadu iti barko a panggubat ken fighter jets ti Amerika asideg idiay Iran.
Daytoy ket iti tengnga ti panang-pressure ti US iti Islamic country seknan iti military program ken iti napalabas a deadly crackdown kadagiti protester.
Kabilang pay a nasaripatpatan asideg idiay Iran iti US aircraft carrier nga USS Abraham Lincoln, a mangidaulo iti maysa nga strike group nga addaan ti tallo a guided missile destroyers ken 90 aircraft kabilang iti fighter jets, ket naipadamag a naideploy idiay Gulf region idi naudi a paset ti Enero ngem saan pay a nasaripatpatan iti satellite imagery iti agdama.
Nupay nakita iti lokasyon idiay kabaybayan ti Oman, mapatta-patta a 700 kilometers ti distansiya na manipud Iran.
Inpadamag pay ti US a nagpatulod daytoy iti USS Gerald R Ford, ti kadakklelan a barko a panggubat iti intero a lubong, agturong idiay Middle East, ket manamnama a sumangpet iti nasao a rehiyon iti sumaruno a tallo a lawas.
Idi Martes, nakatuding nga agkita dagiti opisyal ti Amerika ken Iran idiay Switzerland para iti maikadwa a paset ti panagsasarita tapno mapag-kalma ti tensiyon iti baetan ti dua a pagilian.
Segun iti Iran, agbalin a pokus ti panagtataripnong iti nuclear programme daytoy ken iti posible a pannakaikkat ti economic sanctions nga impataw ti US.
