Naduktalan ti Philippine Institute of Volcanology and Seismology (Phivolcs) ti sumagmamano a baro nga aktibidad ti Bulkan Taal.
Maibasar iti advisory nga inruar ti Phivolcs, impakita ti bulkan nga immadu ti seismic activity-na.
Kaipapanan daytoy ti potensial nga aktibidad iti sirok ti bulkan.
Nakairekord ti Taal Volcano Network (TVN) ti dagup a 12 a volcanic earthquakes manipud idi Enero 1, 2025, karaman dagiti innem a volcanic tremor.
Naammuan met ti TVN ti kaawan ti degassing plume manipud iti abut ti bulkan a makapadanag gapu ta agtultuloy nga agir-iuar iti sulfur dioxide (SO2) wenno asupre ti bulkan kadagiti napalabas nga uppat a tawen.
Dagiti kauddian a nairekord a panangipugso na iti asupre ket agdagup iti 2,753 a tonelada/aldaw.
Ti panagngato ti seismic activity iti bulkan, agraman ti kellaat a pannakapukaw ti gas emmission manipud iti abutna ket pagilasinan nga adda pannakabara iti volcanic gas pathway wenno abut ti bulkan, maysa a mabalin a kasasaad a mabalin a pakaigapuan ti panagbettak babaen ti singaw wenno phreatic, ken uray pay dagiti babassit a phreatomagmatic events.
Gapu iti daytoy, agtultuloy a pagsagsaganaen ti Phivolcs iti publiko ken balakad ti ahensya nga agbalinda nga alerto.
Kabaytaanna, ti bulkan ket agdama nga adda iti sidong ti Alert Level 1.
