Aganay P80,000 pesos iti balor ti perdisyon ti maysa a pagtaengan a napuoran idiay Purok 5, Brgy Linapew, Tubao, La Union.
Maibasar iti police report, napasamak ti uram agarop alas 8:30 idi rabii.
Napartak a dimmapo ti bungalow house gaputa naaramid daytoy iti light materials.
Nagasat nga awan ti nadangran iti pasamak ken agtultuloy nga am-amuen iti dagiti otoridad iti makagapu ti nasao nga uram.
