LA UNION-Nakumpiskar ti Bureau of Internal Revenue ti nasurok P7.2 billion a sigarilio ken vape products a saan nga nabayadan iti buwis na iti umuna a kuarter ita a tawen.
Kinuna ni BIR Commissioner Romeo Lumagui nga iti agdama ket nakakumpiskarda iti nasurok a 500,000 a pakete ti sigarilio ken 170,000 a vape products manipud Enero agingga iti Hunio.
Inadmitir na nga agtaltalinaed a problema ditoy pagilian ti illegal nga iseserrek ken panaglako kadagiti nadakamat a produkto.
Impasiguradona nga agtultuloy ti panangraut da kadagiti bodega ti illegal a sigarilio ken vapes ditoy pagilian.
