BR LA UNION – Inyanunsyo ni Bureau of Internal Revenue (BIR) Commissioner Charlito Martin R. Mendoza nga isag-saganan ti ahensya iti allagaden a mangikkat ti Value-Added Tax (VAT) iti allowable system loss charge iti bill ti kuryente, maiyannurot iti direktiba ni Presidente Ferdinand R. Marcos Jr. a mangipaay ti dagus a gin-awa kadagiti umili.
Nakatuding nga irwar ti ahensiya iti Revenue Memorandum Circular kalpasan ti 15 nga aldaw manipud pannaka-imprenta ti Energy Regulatory Commission (ERC) Resolution No. 26, Series of 2026, kalpasan a pormal nga ibilang ti system loss charge kas maysa a government-mandated pass-through cost.
Saan a rumbeng nga agbayad ti VAT dagiti konsyumer iti kuryente a saan met a duman-danon iti pagtaengan wenno negosyo, segun kenni Mendoza.
Iti pass-through charge ket balor iti makol-kolekta ken maipaspasa iti recipient, isunga ti panangikkat ti VAT ket kaipapanan ti mas nababbaba a babayadan iti kuryente.
Iti sidong ti ERC Resolution No. 26, Series of 2026, iti allowable system loss ket maibilang a nasubbot a gastos ken saan a tapno agsingir ti kanayunan a bayad para iti generation company, National Grid Corporation of the Philippines (NGCP), ken distribution utility.
Impaganetget ni Mendoza a ti nasao nga addang ket maitunos iti bilin ni Finance Secretary Frederick Go a mangipatungpal kadagiti reporma a marikna a dagus ti publiko.
