Nangipila ti Bureau of Internal Revenue (BIR) ti dua a criminal complaints iti Department of Justice idi Oktubre 14 kontra iti dua a negosio gapu iti saan a panagbayad iti assessed tax liabilities nga agdagup iti P45.07 million para iti taxable years 2017 ken 2018.
Karaman kadagiti pormal a naakusaran ti Interserve Management & Manpower Resources, Inc. (IMMRI) karaman dagiti responsible corporate officers, ken ti akinkukua iti VAT Coconut Dealer gapu iti maipagarup a panaglabsing iti Section 255 ti National Internal Revenue Code of 1997 gapu iti willful failure to pay taxes.
Segun iti BIR, nagtaud ti kaso ti IMMRI iti P33,131,844.06 nga unpaid income tax ken value-added tax idi tawen 2017 a saan latta a kayat a mabayadan iti laksid ti audit ken dagiti naipatulod a demand letters, idinto nga P11.9-M met ti nga utang ti VAT Coconut Dealer para iti tawen 2018 a naipauloganen iti warrant of distraint and/or levy idi Marso 6, 2024.
Imbinglay ti Ahensiya nga iti dua a kaso ket naaramid babaen ti programada a Run After Tax Evaders (RATE), nu sadino a nakaipiladan ti 361 a kaso iti DOJ manipud Enero agingga iti Setiembre 2026 nga addaan iti dagup a tax exposure a P35.16 billion.
Impaganetget ni BIR Commissioner Charlito Martin R. Mendoza a nupay itandudo ti ahensiya ti voluntary compliance, saanda nga agduadua a mangipatungpal iti legal nga aksyon kadagiti naigagara a panaglabsing iti linteg tapno masalakniban ti interes dagiti taxpayers.
