CABA, LA UNION – Nangisayangkat dagiti personnel ti Caba Municipal Police Station, iti panangimaton ni PCPT Willie R. Maglaya, ti “Free Ride” program idi kalman, Abril 17, 2026.
Panggep ti nasao a programa a matulongan dagiti umili a marigatan iti transportasion ken tapno mapalag-an ti dagsen iti panagdaliasatda nga agturong iti bukodda a destinasion.
Segun iti liderato ti lokal a pulisya, daytoy nga aktibidad ket paset ti nalawlawa nga arapaap ti PNP a nakaipamaysaan ti panangipaay ti serbisyo a napardas, ken pudno a marikna ti publiko.
Naragsak dagiti benepisiario nga umili iti nasao a serbisio, dakkel a tulong nangruna kadagiti addaan iti napateg a papanan ngem limitado ti transportasion publiko.
Maysa laeng ti “Libreng Sakay” kadagiti programa ti La Union Police Provincial Office tapno maipakita a kanayon a mapagtalkan, nalaka a maasitgan, dagiti otoridad no panawen ti pagkasapulan. (Report by Bombo Alphea)
Photo Courtesy: Caba Mps Pcr
